إشهد يا تاريخ خليك فاكر
سُكتنا خلاص مالوش أخر
ومدام هونا لازم نتهان
بدمع عيونا فى كل مكان
لا عدنا بعض بنهتم
ولا جرح فينا بيتلم
ومعاني الرحمه والدم
بنضاحك فيها ونتساخر
إشهد يا تاريخ خليك فاكر
عايشين بس بنتنفس ونشوف الشمس ونتشمس
ونخاف ع خيرنا من غيرنا بنمد ايدينا ونخمس
بئينا يدوب اشكال
ملامحنا ضايعها المال
وناس تانيه بتتألم
ودموعها بتهز جبال
ونقول الدور ع مين
مهى راحت منا فلسطين
يا دموع مليانه العين
خليكي معانا للأخر
إشهد يا تاريخ خليك فاكر
أحزنا خريطة والوان
القدس تنادي لبنان
ياجرح لساله مكان
ف جسد امه بيتاكل
إشهد يا تاريخ خليك فاكر
سُكتنا خلاص مالوش أخر
ليست هناك تعليقات:
إرسال تعليق