خديني مني

 

   بلملم خيوطك    خيوط الشمس

                                    وبغزل كلامك    غنا وهمس

 

وأتمنى أشوفك اليوم وأمس

 ما انتى اللي قلبي بهواها حس

دانتى الوجود  وزهرة الجميل

دانتى النهار   مايعرفشى ليل

تعالي وضمي    دمعي وهمي

بحس أني       معاكي أمير

خديني مني      ضمي وحني

يا عشق نني     وحلمي الكبير

يا ضحكة وطالعة    فى وقت البكا

يا نسمه وهلا     فى عز الضحا

ومهما هقول       واكتب سطور

هيكون كلامي     نقطه ف بحور

بحبك كتير          واكبر دليل

مبقدرش افوتك    ف نهار وليل

دانتى الحبيب       وأجمل نصيب

ولما تغيبي      الشمس  تغيب

ولما تروحي بتخدي روحي   وتبقى جروحي ملهاش طبيب

وأجيلك أعبر           لساني ما يقدر

جمالك أكبر           من اى كلام 

 

                                عنيكي كفاية          بداية ونهاية

                              لأجمل حكاية          ف قصص الغرام

كما تدين تدان

  

  

        ملكيش ف قلبى مكان      للفرح والاحزان

        بكرة يجيلك يوم        كما تدين تدان

          .....................

        حبيت وحبي كبير         وياكي كنت بميل

       يامو العيون بتكيل    بالغدر الف ميزان

          ....................

       مكنشى عشمي فيك         تخونى حتى عنيك

       نسيت خوفى عليك         بكل شوق وحنان

         ....................

       دا اخرة اللي حب       تعشق دموعة الخد

       واللي يخون الوعد      هيجيلة يوم يتخان 

عندما سأل الطفل

كان مثلة مثل اطفال كثيرة

لم يروادهم يوما شكاً ولا حيرة

يعشقون بلادهم 

عشقاً رغم انها البعيدة

يرون فى الغد القريب 

شمساً واحلاماً سعيدة

كانت اعينهم تفيض عشقاً 

عندما يرون الحلم ف الميدان

كانوا يرون اطفال مثلهم 

كالاسود تزئر ف المكان

وعندما عاد الطفل للمدرسة

لم ينسى حقيبتة المليئة بالأحلام

وعندما رأى وجة المدرسة

اطلق للسانة العنان

يا استاذتي هل لي من سؤال؟

هل تعشقون مثلنا الاوطان 

هل تتنفسون انفاس الحرية؟

ام توقف عندكم نبض الزمان

الاستاذة تستشيط غضباً

من علمك يا طفل هذا الكلام

سأعلمك كلمات تحفظها

هى الحقيقة ليست الأوهام

لقد تجاوزت حدودك 

وتكلمت فى شأن يصان

يجب ان تعيش هنا

مكمم الافواة والأحلام

وبما انك قد تطاولت

وتكلمت فى هذا الكلام

فليس لك عيشاً بينناً

أنها لنا نعمه المكان

لا نعرف واحة مثلها 

نأكل فيها وننام

تكلم الطفل قائلاً

سأرحل وليس بي احزان

تهون الدنيا وبما فيها 

ويبقى ان اعيش انسان 

ماتصدقيش

ماتصدقيش أن النهار                   ممكن ينهار علشان بعدتى

ولا تحلميش أن الشراع                  فى بحرك ضاع ما نتش سفنتي

ها اقدر اعيش زي ما كنت

مفطوم بصدقى ولا عمري ما خنت

يمكن ف يوم ها تأثر                         جرح الهوى مش اكتر

قبلك وبعدك كنت أنا

ولا عمرى يوم قلبى انحنى

وان كنت  حبيتك ف يوم

حب الزهور للندى

تطلع الشمس ينتهى

زى ما حبك انتهى 

كل دقه بكدب

    

    كل لاءة بكدب 

     كل دقة بكدب 

    وانتى اصل كلامك

     كله كدب ف كدب 

   كل رمـش بيدمع

 كل بسمه بتخدع

والقلب بيسمع 

 اوقات ويــحــب

تخرج انـــاته 
        
 من نبض حياته

    والحب فى ذاته 
      
   لحـــظة صدق

     وانتي اللى زيك 
    
      ف خداع بيدور 

      ويعيش الضلمه  
   
     ما يشوف النور

ويعيش متغرب جوا احزانه 

والحلم يخونه حتى ف منامه 

والسكة الجد تكون قدامه

     يختاراللعب
 

  كل لاءة بكدب

   كل دقة بكدب

وانتى اصل كلامك

 كله كدب ف كدب

طير ياحمام

طار الحمام من فوق سواقي الحلم ونبع الحنان

طار الحمام من فوق غيطان القمح ولونا اللى كان

طار الحمام وعششت غربان تنوح فى المكان

والشجر المورق اللى غرق حبهم ضل ودفا

طلع الخريف بوشه المخيف ويا رايحه اختفى

اصبح شبح ويا حكاوى الليل بيندبح

كان يا م كان ودا من زمان

كان فيه هناك تحت الشجر

احلى ملاك ويا القمر

بيغزلوا الاحلام حب وسهر

والطهر توب كاسي البشر

بس النفوس هي النفوس

والارض ارض مهش فردوس

والناس تقول وتقول وتزيد

ويصبوا حروفهم نار بتئيد

والكلمه الواحدة بقت مواويل

والحب الطاهر بقى تضليل

والغدر يسن سلاحه يطول

وقلوب خضره تتحول بور

وطير يا حمام ملكشى مكان

بين الانسان بين الاحزان

سحر عنيكي

اتمنى افضل ف هواكي

واتأنس دايـماً بلقاكي

ف لقاكي الدنيا بتنادي

أعيش للنبض وليكي

والدنيا وسحر عنيكي

ف عنيكي موال يتهادي

راح أقولك ومهما أقول

ف بعدك الدمع يطول

وعيوني ما تشوف مخلوق

سامحيني يا أغلي ماعندي

سامحينى لو ذدت ف عندي

ما القلب مليان بالشوق

أحساسي اللي خلاني آغير

عليكي من آي دخيل 

من نسمه هوا بطير

وتلامس خدك وعيونك

سامحيني لو جتلك ثاير

بكلامي الصعب الحاير

القلب اللي ف حبك مايل

ما بيقبل غيري ف كونك

دلوقتى بس أعترف

دلوقتى بس أعترف             احساسك انتي يختلف

عن كل قلب

وكل حب

ولا كان لقانا من غير معاد   ولاكان هوانا لحظة صدف

                                                                                        دلوقتى بس اعترف

دلوقتى بس قلبي يميل        ويحلم الحلم الجميل

انه يطير من غير جناح

يا كلامي يا عشقه البراح

اصبح يغني ليل صباح

لأحلى لحن ينــعزف

                                                                                    دلوقتى بس اعترف

يا فجري يالي طالع            شوفلي معاك الطالع

عايزة تبقــى أمــــلي

وعيونها شمسي وقمري

دا في فى بعدها عمري

سنينه لازم تنحزف

                                                                                       دلوقتى بس اعترف

مدام بحلم أنا عايش

هفصل حلمي ع قدي            يفوت الليل ويــعدي

ويجي نهاري متندي               مدام بحلم أنا عايش

هاشوف الشمش من تاني

جـــاية تدوب أحزانــي

ها تقولي أغزلي خيوطي

واعزف ع وترك صوتي

واجمع دفاك ف سقوطى

عمري ما بخلفلك وعدي

هفصل حلمي ع قدي              يفوت الليل ويـــعدي

ويجي نهاري متندي                مدام بحبم النا عايش

قلبي يا شجرة لبلاب             اعلا فوق كل السحاب

ما تقولشي ابداً مستحيل 

دا نهارناً جي من جو ليل

والصخر عمره محاش النيل

انه يفوت ويعدي

هفصل حلمي ع قدي              يفوت الليل ويــعدي

ويجي نهاري متندي               مدام بحلم انا عايش

إشهد يا تاريخ

إشهد يا تاريخ              خليك فاكر

سُكتنا خلاص              مالوش أخر

ومدام هونا  لازم نتهان

بدمع عيونا فى كل مكان

لا عدنا بعض بنهتم

ولا جرح فينا بيتلم

ومعاني الرحمه والدم

بنضاحك فيها ونتساخر

إشهد يا تاريخ خليك فاكر

عايشين بس بنتنفس      ونشوف الشمس ونتشمس

ونخاف ع خيرنا من     غيرنا  بنمد ايدينا ونخمس

بئينا يدوب اشكال

ملامحنا ضايعها المال

وناس تانيه بتتألم

ودموعها بتهز جبال

ونقول الدور ع مين

مهى راحت منا فلسطين

يا دموع مليانه العين

خليكي معانا للأخر

إشهد يا تاريخ  خليك فاكر

أحزنا خريطة والوان

القدس تنادي لبنان

ياجرح لساله مكان

ف جسد امه بيتاكل

إشهد يا تاريخ خليك فاكر

سُكتنا خلاص مالوش أخر

فرساننا المغاوير

فرسانناً المغاوير          اين هو الامير

يأتى لنا الحريه         من سجنها الطويل

  نبيعه ع الصمود

  ثوار بلا حدود

 الامه لما تجود

                      يبان كل اصيل

                      فرسانناً المغاوير

نكون أو لا نكون        عشانها الكل يهون

   ونبكي ع اللى ادفن

   يا بخته جنه عدن

   لما يروح الوطن

                              يفيد بئيه الويل

                              فرساننا المغاوير

الارض دي مش بور        وقت الغضب ها تثور

ف بطونها لسه رجال

يضحوا نفس ومال

ويشدوا ليها رحال

                             من الفرات للنيل

                            فرساننا المغاوير

فرصه تانيه

آلتلى فرصة تانية وبعدها أبقى لوم

آلتلى شوف الدنيا ما تخلقتش ف يوم

ألتلى بلاش تسابق الوهم والظنون

وانسى ليلنا اللى فارق

نهارنا راح يكون

آلتلى هاعيش القصة

كأنها بدأة لسه

وف كل دقيقه حاسه

                             بدمعك والهموم

               ألتلى فرصة تانية وبعدها ابقى لوم

              آلتلى شوف الدنيا ما تخلقتشى ف يوم

صدقت لأنى عايــز

ما تروحشي لحظة مني

وقلت لقلبي جايز

تقرب أكتر مني

بغضب لكن بحاذر

والوم بعيون تغازل

اخاف ليوم أنازل

الهجر وبعد النوم

              ألتلى فرصة تانية وبعدها ابقى لوم

              آلتلى شوف الدنيا ما تخلقتشى ف يوم