ضحكة المساجين

يا مصر عارفة وشايفة وبتصبر

تغازل العصافير قضبانها

زنزانة لأجلك كارهة سجانها

دوق زينا حلاوة الزنازين

على برشها بتمدد أطرافك

سجانك المحتار في أوصافك

مهما إجتهد ما هيعرف إنت مين

طوبى لكل المسجونين باطل

في زمن بيخدعنا وبيباطل

يا شموس بتبرق في غرف عتمين

أما إللي خان ناسك وأوطاني

م الهيبه حاطينه في قفص تاني

يصحى وينعس والجميع واقفين

ومصر عارفة وشايفة وبتصبر

لكنها في خطفة زمن تعبر

وتسترد الإسم والعناوين

يا دي الميزان إللي طلعت لفوق

بينزلوك بالعافية أو بالذوق

دول مش بتوع الصدق في الموازين

الثورة نور وإللي طفاها خبيث

يرقص ما بين شهدا وبين محابيس

والدم لسه مغرق الميادين

الحزن طابع في قلوبنا بجد

مافضلش غير الشوك في شجر الورد

غلط الربيع ودخل في أغبى كمين

وفي إنتظار تياس مع الأيام

غيرك في قفصه بيضربوله سلام

وأنت الجزم قبل الكفوف جاهزين

ومصر عارفة وشايفة وبتصبر

لكنها في خطفة زمن تعبر

ومصر عارفة وشايفة وبتصبر

لكنها في خطفة زمن تعبر

وتسترد الإسم والعناوين

ياعم أقعد بس وإشرب شاي

الدنيا ماشية وشعبنا نساي

والبركة في الشاشة وفي الجرانين

وإذا هوهو قوم إعلن الأحكام

وكل بق تلجمه بلجام 

ومش هتغلب تطبخ القوانين

يا مصر هدي وإنت بتفوتي

الصوت في صمته أعلى من صوتي

أدي السجين إللي مبتش حزين

وإللي يقف في وش ثوارها

ما هيورث إلا ذلها وعارها

وإللي هيفضل ضحكة المساجين

ومصر عارفة وشايفة وبتصبر

لكنها في خطفة زمن تعبر

ومصر عارفة وشايفة وبتصبر

لكنها في خطفة زمن تعبر 

لكنها في خطفة زمن تعبر

تسنه التين

أخي وراء الحدود ينزف 

و أنا بالقرب أصرخ أهتف 

أمد يدي فتصرخ فيها الريح تعصف 

أخطو الخطوة والخطوتين أتداعى مشجوج الجبين 

فهذي قدمي شدوا وثاقها و بإحكام إلى وتد تم متين 

أأنهال على الوتد الصلد فأكسر أم أكسر رجلي أم أبقى مكاني أهتف 

أهتف..... 

أخي وراء الحدود ينسف 

و أنا إلى جوار الخيام أتحسر آسف 

أجيء و أغدو في قيودي أدلف 

فأعثر في ساق السكون اللعين 

و على ألسني شلت عبارات الرفض الدفين 

أ أنهال على الوتد فأكسر أم أكسر رجلي أم أبقى مكاني ثم أهتف 

أهتف........ 

أخي وراء الحدود حشروا رأسه السامق في ثغر المقصلة الحاد يقطف

و ينظرني أخي بعينيه الشاخصتين التي لا تطرف

تعاتبني تزرع في جوفي الندم يبكيني فأذرف 

و بالحلق تم قرفصت غصة من الأنين 

و فوق مفرقي هالة الخزي تدلت و الذل تأرجح من فوق جييني 

أ أنهال على الوتد الصلد فأكسر أم أكسر رجلي أم أبقى مكاني ثم أهتف 

أهتف.......... 

أخي وراء الحدود كشطوا جلده الأسمر ثم ببحر من دماء يشطف 

يقدد لحمه الفتي و فوق سدرة شعثاء نثروه يجفف 

سأجثو على الوتد كيما أعالج قساوته، يأنف 

أجتثه يغوص بأوحال و بالطين 

أمزق الأوثاق بين أضراسي، قد مزق الأحشاء لهفي و حنيني 

سوف أمضي فجنبي حيثما ألقيت يألف 

و شفاهي من مرير القهاوي رشفت و سترشف 

سأمضي فذلكم أخي خلف الحدود جرحه ينزف 

فما جدوى الصوت وراء الحدود جف إذ يهتف 

و القلب ما جدواه إن مكانه ذاب مشفقا يرأف 

و وتد ما جدواه إذا انهارت خيامه و تسنهت بمخزنها حبات تين 

سأمضي شامخ الأنف مرفوع الجبين 

فالموت بجنب أخي أبقى من العيش، العيش المهين. 

وهيبة سالمي/ شاعرة ورسامه مغربية

hibasalmi.blogspot.com

مسأله مبدأ

كل الجروح ليها دوى

يا طير يا حايم ف الهوى

اطوى الجناح 
على الجراح
واضحك  
ويلا نطير سوى

انا مش هبيع
الصدق
بالاكاذيب

ولا ااقولش
للحمل الوديع يا ديب

ولا ااقولش للديب
يا اعز حبيب

والصدق مهما عزّ
ف الازمة مش ههتزّ

ساعات يكون
كتم الانين 
أصدق

وانا 
مهما 
ااقع

راح أقوم

ودي مسالة مبدأ

كل الجروح
ليها دوى
يا طير
يا حايم ف الهوا

اطوي الجناح
على الجراح

واضحك

ويلا 
نطير سوى

بيكدبوا الصدق
اما الكدب يتصدق

يا ليل
ياليل 
تطول
بكره نلاقي الفجر
بيشقشق

انا في انتظار الصباح
انا احتويت الجراح

وخلااااااااااااااااص

نسيت الي راح

ومن جديد هبدأ

ودي

مسألة مبدأ

 كلمات الشاعر الكبير/ عبد الرحمن الابنودي