ببان الشمس

ها افتح ببان الشمس للأحلام

وأمنع عنيا وقتها ما تنام

وها اشوفك أنتي صورة مش أوهام

ها اقطع خيوط الشك من قلبي

وامسح دموعي من على خدي

قبلك كتير أخلفوا بوعدي

مش مستعد تاني للأحزان

ها افتح ببان الشمس للأحلام

فى عنيكي صدق ما شفتهوش قبلك

وفى بعدك أنتي قلبي يشتقلك

أرمي الهموم على بر احزاني

وابدأ أعوم لشطك التاني

ما خلاص لقيتك وأنتي عشقاني

ولقيت معاكي ضحكه الايام

هافتح ببان الشمس للأحلام

كل دا كان معاكي

آد ايه انتي بريئة

آد ايه انتي جميلة

نسمتك صافية ورقيقة

ضحكتك رحلة طويلة

دنيتك مفهاش خداع

قلبك منسوج شراع

أفردية لقلبي اللي ضاع

عدي قلبي للحقيقة

أد ايه أنتي بريئة

عمري ما عرفت الحياة

صدق يبلغ منتهاة

غير صدقك يا حببتي

صدق يبقى طوق نجاة

برمى نفسي جو بحرك

جو سحرك من غير خوف

عارف انك رغم ضعفك

أقوى حتى من الظروف

مدي أيدك وأخطفي 

نبض قلبي بيختفي

لو نجوم الدنيا راحت

أنتي شمعة ما بتنطفي

أنتي بسمه فوق شفايف

أنتى حلم ف سماي طايف

وأنتي جنبي بيقوي قلبى

ويتولد حلمي اللى خايف

يطرح الفجر الامل

 تحصده الأحلام والروح

قلبي ياما كتير حمل

الالم وسنين بتروح

كان من حقه يلقى حبه

يلقى حلمه جو نفسه

أنه يبكي أنه يشكي

أنه يحكي بلي حاسة

كل دا كان معاكي 

وأتولد بيوم لقاكي

الحروف بتسير كلام

والكلام بيكون أغاني

وانتي دوبتى الالام

وانتي علمتي المعاني

كل دا كان معاكي

واتولد بيوم لقاكي

طريق الأمل

       

   ما بين الوهم والحقيقة

            

بتتلون أحلامنا البريئة

بتتغير وتتحير

وتحلا اوقات وتتمرر

ونتمسك بالأمل 

دقيقة بدقيقة

علشان مفيش أمل

غير بالكفاح والعمل

وعيون تشوف النور

مهما الظلام أكتمل

ازرع ف قلبك خير

تلقى عيونك طير

تخدك معاها لفوق

تسكن ف قلب الغير 

عيونك بحور

عيونك بحور                          وهمس الشعور

خـــــلانى اسافر

ف بحرك واعافر

عشـــان فى الأخر

                             الاقى النور

وصدق المشاعر                          مش عايزة شاعر

عشان يوصف

جمالك وينصف

للي ما يعـــرف

انه يقـــول        

                          عيونك بحور

عاشق وناوي                           لجرحك أدآوي

وقالوا اللي غاوي

يضحي ينول

                               عيونك بحور

معنى جميل

الحب مش تمني              ولا جري ورا الاوهام

الحب أنك تغني                       وتعشق الأيام

أصلك مش بأيدك           تزرع نبض ف وريدك

الحب ممكن يجيلك             قبل ما يجري الكلام

الحب لحظة شوق              تخدك معاها لفوق

ما بين غروب وشروق              تتحقق الاحلام

الحب معنى جميل                  وعيونا لما تميل

تعشق نجوم الليل               سهرانه ما بتنام

الحب لحن ووتر                 يلين معاه الحجر

يميل معاه البشر              يرددوا الالحان

أنا أنسان

 لست حالماً                                بما لا أتوقع

  لست نادماً                              فى يائساً يتربع

...............

لست حكيماً              أوقد الكلمه لتصبح نبراساً

لست شاعراً            أزرع المعنى لينبت أحساساً

لست رساماً             تمزج ريشتي آهله وأجراساً

..................

لست متعالياً                              ف بيت يتصدع

لست باكياً                                 ف دمعاً يتـمنع 

لست قاموساً                        ف زمن القطب الواحد

لست فيلسوفاً                     والحق لا يأخذ إلا بالساعد

...................

أنا انسان عادي                        يحلم حلماً عادي

فقط للأعيش                       لا مظلوماً  ولا عادي

لا تنسى فضل الله

لا يا اين آدم لا

لا تنسى فضل الله

حلمك بلغ مداه

والارض منتهاه

...................

لا عمره فاد الندم

عن أي شيء أنهدم

ما تشيل قدم عن قدم

غير بأمر الله

....................

الدنيا أيه غير عمل

بالصبر نلقى الأمل

ولا عمره حلم أكتمل

غير بالإيمان بالله

..........................

خلي الرسول المثل

صابر مهما حصل

في كل خطوة أنتصر

علشان حبيب الله

..........

دايماً يا مؤمن مصاب

في المال يافي الاحباب

أيوب صبر وتاب

رضي بأمر الله

.................

يوم الحساب جي

واللى عملته حي

مطوي ف كتابك طي

وانت بإيديك تلقاه

.......................

واللى ميزانه وزن

هايلقى جنه عدن

ويا الحسين والحسن

صحبه حبيب الله

........................

واللي لشطانه انحنى

زرع مصيره وجنى

ها تكون سعاته سنه

وعذابه يطول مداه

لا يا بن آدم لا لا تنسى فضل الله

يا بكرة يا لي جي

يا بكرة يا لي جي 

هاتلي معاك الضي

وازرع فى قلبي الدفا

تطرح عيوني الوفا

والحب اللي اختفى

اطويه ف قلبي طي    

                                                               يا بكرة يا لي جي

هاتلي معاك النبض

ونحن تاني لبعض

ننسى للحظة المصالح

ونصطفي ونتصالح

ما الكل فيها لامح

لا ها يبقي فيها حي

                                                              يا بكرة يالي جي

ها تلي معاك البسمه 

مش ع الشفايف راسمه

ما تقولشي هما وآحنا

دا الحب ساكن روحنا

فالقرب تشفى جروحنا 

والبعد زي الكي 

                                                           يا بكرة يالي جي

ما تصدقيش

ما تصدقيش ان النهار 

ممكن ينهار علشان بعدتي

ولا تحلميش ان الشراع 

فى بحرك ضاع  ما نتش سفنتي

ها اقدر اعيش زى ما كنت

مفطوم بصدقي ولا عمري خنت 

يمكن ف يوم ها تأثر

جرح الهوى مش اكتر

قبلك وبعدك كنت انا 

ولا عمري يوم قلبي انحنى

وأن كنت حبيتك ف يوم

حب الزهور للندى 

تطلع الشمس ينتهي 

زي ما حبك انتهى

حابب الانتظار

استمراري في عنيكي انتحار

ومع كل دا حابب الانتظار

حابب اعيش اللحظة لو تبقى الاخيرة

حابب اعيش وياكي ف بحورك الغريئة

حابب ومش نادم ولا قادم على الاعتزار

ويسألوني لية أرد يستاهل

يكفيني جو عنيه الصدق للأخر

شيلاني جو عيونها ورموشها حراسي

لا عمري يوم اخونها  ولا عمري يوم ناسي

وازاي اكون حزين وعيونها نبع الامل

يكفيني نظره عين يا بدر لاح واكتمل 

الحقيقة مش كلام

الحقيقه مش كلام

والسكات لا عمره ضعف

اوقات نعيش احلام

 ونكون فى اخر الصف

لكن بنفضل فوق 

زي النقط والحرف

صوتكم العالي لا غير

فينا أي شيء صغير

كان يدوب بس صوت

نسمعه زي السكوت

والحقيقة مش تموت

مهما تتعرض لقصف

افتكر تاني ملامحك

مستعد ان انسى جرحك

وانسى كل شيء واسامحك

ها انسى آلمى

وانسى ندمى

وافتكر تانى ملامحك

..............................

ها افتكرك شيء جميل

رغم انه كان قليل

بس فين هو الدليل

اللى له ها اقدر اسامحك

................................


.

جاية لسة تقولي راجعة

جو عينك الف دمعه

يالي بعتي احلي جنه

واشترى بجرحي دنيا

بعتي احلا سنين حياتي

وانتي مش دآريه بآهاتي

كنت فاكرة ها عد سعاتي

لما تيجي انسى واصالحك

.....................................

جاية لسة تقولي آسفة

فوق حطام الجرح عازفة

عايز اية القلب يرقص

ولا عيني ليكي تحرص

ياما حبك ياما اخلص

وبنا بعمره صرحك

........................

عايزانى ايه اصدقك

قلبي اللي كان بيعشقك

معرفشي انه كان اسير

ف سجنك المبني بحرير

انه يحبك انه يميل

انه يغنيلك لحنك

عايزانى اية اسامحك ؟!