يا بكرة يا لي جي
يا بكرة يا لي جي
هاتلي معاك الضي
وازرع فى قلبي الدفا
تطرح عيوني الوفا
والحب اللي اختفى
اطويه ف قلبي طي
يا بكرة يا لي جي
هاتلي معاك النبض
ونحن تاني لبعض
ننسى للحظة المصالح
ونصطفي ونتصالح
ما الكل فيها لامح
لا ها يبقي فيها حي
يا بكرة يالي جي
ها تلي معاك البسمه
مش ع الشفايف راسمه
ما تقولشي هما وآحنا
دا الحب ساكن روحنا
فالقرب تشفى جروحنا
والبعد زي الكي
يا بكرة يالي جي
ليست هناك تعليقات:
إرسال تعليق