آللي بنا كان أقوى مننا
سبنا ليه حد يتكلم عننا
سبنا لية نفسنا للي قال واللي عاد
مع انه كان حسنا اقوى حتى من العناد
سبنا حروفنا لألسنه تخطف الضحكة مننا
تكتب سطــور مقلنهاش
ترسم دروب مرسمنهاش
حتى النبض اللي جوانا عاش
دلوقتى بيهرب مننا
اللي بنا كان أقوى مننا
سبنا ليه بنا وســيط
فى حبنا الهادي البسيط
كان كلامنا لينا بس
من غيرنا بيه يحس
ليه نخلي الناس تمس
أجمل شيء ف حبنا
اللي بنا كان أقوى مننا
كان كلامنا الجميل غناوي
موال جميل لكل هاوي
بس الكلام وسط الزحام
بيجري بينا بدون لجام
فجأة يضيع منا الغرام
ونتوه ونضيع من بعضنا
اللى بنا كان اقوى مننا
هل الحب هو صندوق الاسرار المغلق ام يمكن ان نسرب بعض الاسرار التى لا نراها مؤثرة ؟
ردحذف